კონფიდენციალობის პოლიტიკა

რა გროვდება, რატომ და რამდენ ხანს.

რა გროვდება

მხოლოდ ის, რაც საჭიროა ანგარიშის, გამოწერის, კომუნიკაციის, უსაფრთხოების, ანალიტიკისა და სამართლებრივი ვალდებულებების შესასრულებლად.

პლატფორმა არ ყიდის მომხმარებლის პერსონალურ მონაცემებს. ტექნოლოგიურ პარტნიორებს წვდომა აქვთ მხოლოდ შესაბამისი ფუნქციისთვის საჭირო მოცულობით.

როგორ გამოიყენება

marketplace-ის მუშაობისთვის: შენი შეთავაზებების სწორ მომხმარებლამდე მიტანა, შეტყობინებების გადაცემა, გამოწერების ანგარიშსწორება და პლატფორმის უსაფრთხოება.

საკონტაქტო მონაცემები საჯარო პროფილზე არ ქვეყნდება. ტელეფონის ნომრისა და ელფოსტის გაზიარება ჩატში შეზღუდულია მანამ, სანამ ორივე მხარე შეთანხმებას არ დაასრულებს.

ვიდეო და AI მოდერაცია

ვიდეო შეიძლება შეიცავდეს პერსონალურ მონაცემებს. ატვირთვისას შენ ხარ პასუხისმგებელი იმაზე, რომ გაქვს შესაბამისი სამართლებრივი საფუძველი და არ ხდება მესამე პირის მონაცემების უკანონო გავრცელება.

ატვირთული ვიდეო შეიძლება დამუშავდეს AI სისტემით პლატფორმის წესებთან შესაბამისობის შესამოწმებლად. მოდელს გადაეცემა მხოლოდ ამ მიზნისთვის საჭირო ინფორმაცია, ხოლო ავტომატური შედეგი არ არის საბოლოო სამართლებრივი შეფასება.

შენახვის ვადა

ვიდეოები, ანგარიშები და ლოგები ინახება ანგარიშის აქტიურობის განმავლობაში და შემდეგ იმდენ ხანს, რამდენსაც კანონი მოითხოვს. წაშლა და არქივაცია იმავე წესს მიჰყვება.

შენი უფლებები

შეგიძლია მოითხოვო შენი მონაცემების ასლი, გაასწორო ისინი, ან მოითხოვო ანგარიშისა და მისი კონტენტის წაშლა.

ანგარიშის წაშლა

ანგარიშის წაშლა თავად შეგიძლია, აპლიკაციაში ან საიტზე: პროფილი, რედაქტირება, ანგარიში. შიგთავსი მაშინვე იმალება და 14 დღის შემდეგ სამუდამოდ იშლება. ანგარიშის წაშლა

მობილური აპლიკაცია

AIPIE-ს აპლიკაცია კამერასა და მიკროფონს იყენებს მხოლოდ შენ მიერ დაწყებული ან მიღებული ზარის დროს და ხმოვანი შეტყობინების ჩაწერისას. ფოტოს გალერეიდან მხოლოდ მაშინ კითხულობს, როცა გასაგზავნად თავად ირჩევ. ფონურ რეჟიმში არაფერი იწერება და არაფერი იტვირთება.